ശ്രീകണ്ഠപുരം: ഇരിക്കൂര്‍ മണ്ഡലം യൂത്ത് ലീഗ് യുവപ്രതിഭാ പുരസ്‌കാരം നാളെ ഉച്ചയ്ക്ക് മൂന്നിന് ശ്രീകണ്ഠപുരത്ത് വിതരണം ചെയ്യും. പി.എസ് അമീറലിയുടെ സ്മരണാര്‍ഥം ഏര്‍പ്പെടുത്തിയ പുരസ്‌കാരത്തിന് ഐ.ടി വ്യവസായ രംഗത്ത് നേട്ടം കൈവരിച്ച ഉളിക്കല്‍ സ്വദേശി ടി.എന്‍.എം ജവാദാണ് അര്‍ഹനായത്. പുരസ്‌കാരം യൂത്ത് ലീഗ് സംസ്ഥാന സെക്രട്ടറി പി.കെ ഫിറോസ് സമര്‍പ്പിക്കും. രമേശന്‍ ബ്ലാത്തൂര്‍, ജിഷ കോട്ടക്കടവ്, പി.പി റഫീന എന്നിവരെ ആദരിക്കും. വാര്‍ത്താസമ്മേളനത്തില്‍ എന്‍.പി ഹാരിസ്, ഖലിലുല്‍ റഹ്മാന്‍, ഖാദര്‍ കൗപ്രം, മുഹമ്മദ് അജ്മല്‍, എന്‍.പി റഷീദ് സംബന്ധിച്ചു.