മനാമ: സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ അംഗവും കോട്ടുമല ഇസ്‌ലാമിക് കോംപ്ലക്‌സ് പ്രിന്‍സിപ്പലുമായിരുന്ന ശൈഖുനാ ടി.പി ഇപ്പ മുസ്‌ലിയാരുടെ നിര്യാണത്തില്‍ സമസ്ത ബഹ്‌റൈന്‍ ഘടകം അനുശോചനം അറിയിച്ചു.

വിവിധ ഏരിയാ കമ്മറ്റികള്‍ക്കു പുറമെ ബഹ്‌റൈന്‍ എസ്.കെ.എസ്.എസ്.എഫ്, ബഹ്‌റൈന്‍ റൈഞ്ച് ജംഇയ്യത്തുല്‍ മുഅല്ലിമീന്‍ എന്നീ പോഷക സംഘനടകളും ശൈഖുനായുടെ വിയോഗത്തില്‍ അനുശോചനം അറിയിച്ചിട്ടുണ്ട്.

ബഹ്‌റൈനിലുടനീളം പ്രവര്‍ത്തിക്കുന്ന സമസ്തയുടെ എല്ലാ ഏരിയാ കേന്ദ്രങ്ങളിലും സ്വലാത്ത് മജ്‌ലിസുകളിലും ഇന്ന് മയ്യിത്ത് നമസ്‌കാരങ്ങളും ബറാഅത്ത് രാവിനോടനുബന്ധിച്ച് പ്രത്യേക പ്രാര്‍ത്ഥനകളും സംഘടിപ്പിക്കും.

സമസ്ത ബഹ്‌റൈന്‍ കേന്ദ്ര ആസ്ഥാനമായ മനാമ ഗോള്‍ഡ് സിറ്റിയിലെ സമസ്ത ഓഡിറ്റോറിയത്തില്‍ രാത്രി 9.മണിക്ക് നടക്കുന്ന ബറാഅത്ത് ദിന പ്രഭാഷണത്തിനും മയ്യിത്ത് നമസ്‌കാരത്തിനും തുടര്‍ന്നുള്ള സമൂഹ പ്രാര്‍ത്ഥനക്കും സമസ്ത ബഹ്‌റൈന്‍ പ്രസിഡന്റ് സയ്യിദ് ഫക്‌റുദ്ധീന്‍ കോയ തങ്ങള്‍ നേതൃത്വം നല്‍കും. പരിപാടിയില്‍ പങ്കെടുക്കാന്‍ സ്ത്രീകള്‍ക്ക് പ്രത്യേക സൗകര്യം ഉണ്ടായിരിക്കും. കൂടുതല്‍ വിവരങ്ങള്‍ക്ക് 0097334393964.