കഠിനംകുളം: കഴക്കൂട്ടത്ത് ഗുണ്ടാ പിരിവ് നല്‍കാത്തതിനാല്‍ പെട്രോള്‍ പമ്പിന് സമീപം തൗഫീഖ് ഫ്രൂട്ട്‌സ് വെജിറ്റബിള്‍ കട നടത്തുന്ന കഴക്കൂട്ടം മണക്കാട്ട് വിളാകം സെയ്ദാലി (38)യെയും ജ്യേഷ്ഠനേയും വെട്ടിപരുക്കേല്‍പ്പിക്കുകയും കടയിലെ ജീവനക്കാരനായ മണിയനെ വെട്ടി കൊലപ്പെടുത്തുകയും ചെയ്ത കേസിലെ മൂന്നാം പ്രതി പശ അനീഷ് എന്ന് വിളിക്കുന്ന അനീഷിനെ ഗുണ്ടാ നിയമപ്രകാരം അറസ്റ്റുചെയ്തു.
ഈ കേസ്സില്‍ ജാമ്മ്യമെടുത്തു നില്‍ക്കുകയായിരുന്നു കഴക്കുട്ടം പൊലിസ് സ്റ്റേഷനില്‍ നിരവധി അക്രമ കൊലപാതകശ്രമ കേസുകളിലും, വീടാക്രമിച്ച കേസിലും ബോമ്പേറ് കേസിലും ഡ്യൂട്ടിയിലുണ്ടായിരുന്ന പൊലിസ് ഉദ്യോഗസ്ഥരെ ആക്രമിച്ചു പരുക്കേല്‍പ്പിച്ച കേസുകളിലും പ്രധാന പ്രതിയാണ്.
സൈബര്‍ സിറ്റി പൊലിസ് അസ്സിസ്റ്റന്റ് കമ്മിഷനറുടെ നേതൃത്വത്തില്‍ കഴക്കൂട്ടം പൊലിസ് സ്റ്റേഷന്‍ ഇന്‍സ്‌പെക്ടര്‍ എസ്. അജയ് കുമാര്‍. എസ്.ഐ സുധീഷ്‌കുമാര്‍ എന്നിവരുടെ നേതൃത്വത്തിലാണ് അറസ്റ്റ്.