തൊടുപുഴ: മുല്ലപ്പെരിയാര്‍ ജലനിരപ്പ് 152 അടിയാക്കി ഉയര്‍ത്താനുള്ള തമിഴ്‌നാട് സര്‍ക്കാരിന്റെ നീക്കം ഉപേക്ഷിക്കണമെന്ന് ജനാധിപത്യ്യ കേരളാ കോണ്‍ഗ്രസ് ചെയര്‍മാന്‍ കെ ഫ്രാന്‍സിസ് ജോര്‍ജ്.
പാര്‍ടി തൊടുപുഴ നിയോജക മണ്ഡലം പ്രവര്‍ത്തകയോഗം ഉദ്ഘാടാനം ചെയ്യുകയായിരുന്നു അദ്ദേഹം.
സുപ്രീം കോടതി നിയോഗിച്ച വിദഗ്ധ സമിതിയുടെ ഏകപക്ഷീയമായ റിപ്പോര്‍ട്ടിന്റെ അടിസ്ഥാനത്തിലാണ് മുല്ലപ്പെരിയാര്‍ ജലനിരപ്പ് 142 അടി ആക്കാന്‍ കോടതി തമിഴ്‌നാടിന് അനുമതി നല്‍കിയത്. ഇതിനെതിരെ കേരളം ശക്തമായ എതിര്‍പ്പ് പ്രകടിപ്പിച്ചിട്ടുള്ളതാണ്.
പമ്പ-അച്ചന്‍കോവില്‍-വൈപ്പാര്‍ നദീസംയോജന പദ്ധതി ഒരു കാരണവശാലും നടപ്പാക്കാന്‍ പാടില്ല. അത് കേരളത്തിന്റെ താല്‍പര്യങ്ങള്‍ക്ക് വിരുദ്ധമായതുകൊണ്ട് കേന്ദ്ര സര്‍ക്കാര്‍ പ്രസ്തുത പദ്ധതി ഉപേക്ഷിക്കണമെന്നും അദ്ദേഹം ആവശ്യപ്പെട്ടു. യോഗത്തില്‍ എന്‍ വ ി വര്‍ക്കി നിരപ്പേല്‍ അധ്യക്ഷനായി. പി സി ജോസഫ്, മാത്യു സ്റ്റീഫന്‍, ജോര്‍ജ് അഗസ്റ്റിന്‍, ബാബു വാരികാട്ട് തുടങ്ങിയവര്‍ സംസാരിച്ചു.