പുത്തനത്താണി: 38 കാരിയെ പീഡിപ്പിച്ച കേസില്‍ 19കാരനെ കാടാമ്പുഴ പൊലിസ് അറസ്റ്റ് ചെയ്തു. മാറാക്കര കൊയിപ്പ കോവിലകത്ത് അഹമ്മദ് കബീര്‍ (19) ആണ് അറസ്റ്റിലായത്. കഴിഞ്ഞ ബുധനാഴ്ചയാണ് സംഭവം.
യുവതി ജോലിചെയ്തിരുന്ന കമ്പനിയിലെ ജോലിക്കു ശേഷം വീട്ടിലേക്ക് പുറപ്പെടുന്നതിന് ഡ്രസ്സിങ്ങ് റൂമില്‍ കയറി വസ്ത്രം മാറ്റി പുറത്തു കടക്കുന്നതിനിടെ പ്രതി അകത്തുകയറി കഴുത്തിന് പിടിച്ച് ഭീഷണിപ്പെടുത്തി പീഡിപ്പിക്കുകയായിരുന്നുവെന്ന് കാടാമ്പുഴ പൊലിസ് സബ് ഇന്‍സ്‌പെക്ടര്‍ പി. വാസു പറഞ്ഞു. സംഭവത്തിനു ശേഷം പ്രതി ഒളിവില്‍ പോകുകയും ചെയ്തു. പൊലിസ് അന്വേഷണം നടത്തിക്കൊണ്ടിരിക്കെ കഴിഞ്ഞ ദിവസം പുത്തനത്താണി ബസ് സ്റ്റാന്‍ഡില്‍ അഹമ്മദ് കബീര്‍ ഉണ്ടെന്ന രഹസ്യ വിവരത്തെ തുടര്‍ന്ന് ഇവിടെ നിന്ന് അറസ്റ്റ് ചെയ്യുകയായിരുന്നു. പ്രതിയെ ഇന്ന് കോടതിയില്‍ ഹാജരാക്കും.