വടക്കാഞ്ചേരി: പതിനേഴുകാരന്റെ കുത്തേറ്റ് ഓട്ടോറിക്ഷ ഡ്രൈവര്‍ക്ക് ഗുരുതര പരുക്കേറ്റു. വടക്കാഞ്ചേരി ചാത്തന്‍കോട്ടില്‍ ഫൈസല്‍ (38)നാണ് പരുക്കേറ്റത്. ഇന്നലെ രാത്രി 10 മണിയോടെയാണ് സംഭവം.
വടക്കാഞ്ചേരി ഇരട്ടകുളങ്ങര കുന്നത്ത് വീട്ടില്‍ ആകാശാണ് ഫൈസലിനെ കുത്തിയത്. അകമലയില്‍ വച്ച് മറ്റൊരു ഓട്ടോ ഡ്രൈവര്‍ ആകാശിനോട് മോശമായി പെരുമാറിയിരുന്നുവത്രെ. ഇത് ആകാശ് ഫൈസലിനെ ധരിപ്പിയ്ക്കുകയും ഇതിനെ ചൊല്ലി രണ്ട് പേരും വാക്ക് തര്‍ക്കത്തില്‍ ഏര്‍പ്പെടുകയുമായിരുന്നു. ഇതിനിടയിലാണ് കൈയില്‍ കരുതിയിരുന്ന പേന കത്തി ഉപയോഗിച്ച് ആകാശ് ഫൈസലിന്റെ നെഞ്ചില്‍ കുത്തിയത്. സാരമായി പരുക്കേറ്റ യുവാവിനെ മുളങ്കുന്നത്ത് കാവ് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
ആകാശിനെ കത്തി സഹിതം വടക്കാഞ്ചേരി പൊലിസ് കസ്റ്റഡിയിലെടുത്തു.