അടിമാലി: കാറും ബൈക്കും കൂട്ടിയിടിച്ച് യുവാവിന് ഗുരുതരമായി പരിക്കേറ്റു.
അടിമാലി മന്നാങ്കാല സ്വദേശി മോളേല്‍ ജിജോ (28) ആണ് പരിക്കേറ്റത്. ഇയാളെ എറണാകുളത്തെ സ്വകാര്യ മെഡിക്കല്‍ കോളജില്‍ പ്രവേശിപ്പിച്ചു. അടിമാലി ഇരുന്നൂറേക്കറില്‍ ഇന്നലെ വൈകിട്ട് ആറരയോടേയാണ് അപകടം. അമിത വേഗതയിലേത്തിയ കാര്‍ നിയന്ത്രണം വിട്ടു ബൈക്കില്‍ ഇടിക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. അപകടത്തെ തുടര്‍ന്ന് അടിമാലി - കല്ലാര്‍കുട്ടി റോഡില്‍ ഒരു മണിക്കൂറോളം ഗതാഗതം തടസപ്പെട്ടു. അടിമാലി പൊലിസ് സ്ഥലത്തെത്തി മേല്‍നടപടികള്‍ സ്വീകരിച്ചു.