തിരുവനന്തപുരം: ലോക ഗ്ലോക്കോമ ദിനാചരണത്തിന്റെ ഭാഗമായി ട്രിവാന്‍ഡ്രം ഓഫ്താല്‍മിക് ക്ലബ് ഗ്ലോക്കോമ ബോധവല്‍കരണ പരിപാടി സംഘടിപ്പിക്കുന്നു. ഇതിന്റെ ഭാഗമായി ഞായറാഴ്ച രാവിലെ 7.30ന് കവടിയാര്‍ മുതല്‍ വെള്ളയമ്പലം വരെ കൂട്ടനടത്തം സംഘടിപ്പിക്കുമെന്ന് ക്ലബ് സെക്രട്ടറി ഡോ.വി ജയറാം വാര്‍ത്താ സമ്മേളനത്തില്‍ അറിയിച്ചു. കേരള സൊസൈറ്റി ഓഫ് ഒഫ്താല്‍മിക് സര്‍ജന്‍സിന്റെയും ഐ .എം .എയുടെയും സഹകരണത്തോടെയാണ് പരിപാടി സംഘടിപ്പിക്കുന്നത്.