നെടുമ്പാശ്ശേരി: അന്താരാഷ്ട്ര വിമാനത്താവളത്തില്‍ രണ്ട് സംഘങ്ങളുടെ പക്കല്‍ നിന്ന് ഒരു കിലോഗ്രാം സ്വര്‍ണം പിടികൂടി. ദുബൈയില്‍ നിന്നും എത്തിയ സ്‌പൈസ് ജെറ്റ് വിമാനത്തിന്റെ ചവിട്ടിക്കടിയില്‍ ഒളിപ്പിച്ച നിലയിലായിരുന്നു 600 ഗ്രാം സ്വര്‍ണം കണ്ടെത്തിയത്.120 ഗ്രാം തൂക്കമുള്ള അഞ്ച് സ്വര്‍ണ ബിസ്‌ക്കറ്റുകളാണ് വിമാനത്തിന്റെ ചവിട്ടിക്കടിയില്‍ നിന്നും കസ്റ്റംസ് ഉദ്യോഗസ്ഥര്‍ കണ്ടെത്തിയത്.
ഇത് ചവിട്ടിക്കടിയില്‍ ഒളിപ്പിച്ച യാത്രക്കാരനെ കണ്ടെത്താനായില്ല. ഈ വിമാനം നെടുമ്പാശ്ശേരിയില്‍ നിന്നും ചെന്നൈയിലേക്കാണ് പോകുന്നത്. കോലാലംമ്പൂരില്‍ നിന്ന് മലിന്‍ഡോ എയര്‍ വിമാനത്തില്‍ നെടുമ്പാശ്ശേരിയിലെത്തിയ അഞ്ച് തമിഴ്‌നാട് സ്വദേശികളില്‍ നിന്ന് 400 ഗ്രാം സ്വര്‍ണവും ഇന്നലെ കസ്റ്റംസ് പിടികൂടിയിരുന്നു. ശരീരത്തില്‍ ഒളിപ്പിച്ച നിലയിലായിരുന്നു സ്വര്‍ണം.