മുക്കം: ഫാസിസ്റ്റ് കരാള ഹസ്തത്തില്‍ നിന്ന് രാജ്യത്തെ മോചിപ്പിക്കാനുള്ള യുദ്ധമാണ് ഇപ്പോള്‍ നടക്കുന്നതെന്നും കോണ്‍ഗ്രസിന്റെ നേതൃത്വത്തിലുള്ള മതേതര കൂട്ടായ്മ വിജയം കണ്ടെത്തുക തന്നെ ചെയ്യുമെന്നും മുസ്‌ലിം ലീഗ് ദേശീയ സെക്രട്ടറി പി.കെ കുഞ്ഞാലിക്കുട്ടി എം.പി പറഞ്ഞു.
മുസ്‌ലിം ലീഗ് സംസ്ഥാന സെക്രട്ടറിയായി തെരഞ്ഞെടുക്കപ്പെട്ട സി.പി ചെറിയ മുഹമ്മദിന് ജന്മനാടായ കൊടിയത്തൂരില്‍ സംഘടിപ്പിച്ച സ്വീകരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സംഘാടക സമിതി ചെയര്‍മാന്‍ എം.എ അബ്ദുറഹിമാന്‍ ഹാജി അധ്യക്ഷനായി. ചടങ്ങില്‍ പി.കെ കുഞ്ഞാലിക്കുട്ടി സി.പി ചെറിയ മുഹമ്മദിന് ഉപഹാരം നല്‍കി ആദരിച്ചു. എം.ഐ ഷാനവാസ് എം.പി പ്രശസ്തി പത്രം സമര്‍പ്പിച്ചു. മുസ്‌ലിം ലീഗ് ജില്ലാ പ്രസിഡന്റ് ഉമ്മര്‍ പാണ്ടികശാല പൊന്നാട അണിയിച്ചു. ജന്മനാടിന്റെ ഉപഹാരം പി.എം അഹമ്മദും എ.എം.സി അബ്ദുസ്സലാമും ചേര്‍ന്ന് സമ്മാനിച്ചു. മുസ്‌ലിം യൂത്ത് ലീഗ് സംസ്ഥാന സെക്രട്ടറി മുജീബ് കാടേരി മുഖ്യ പ്രഭാഷണം നടത്തി.
പി.കെ ബഷീര്‍ എം.എല്‍.എ, ജില്ലാ സെക്രട്ടറി വി.കെ ഹുസൈന്‍ കുട്ടി, പി.ജി മുഹമ്മദ്, മണ്ഡലം ജനറല്‍ സെക്രട്ടറി കെ.വി അബ്ദുറഹിമാന്‍, സി.കെ. കാസിം, സി.എ മുഹമ്മദ്, കെ.ടി മന്‍സൂര്‍, അഡ്വ. സി.ടി അഹമ്മദ് കുട്ടി, കെ.പി അബ്ദുറഹിമാന്‍, എന്‍.കെ അഷ്‌റഫ്, വി.പി.എ ജലീല്‍, ടി.ടി അബ്ദുറഹിമാന്‍, വി. മൂസക്കുട്ടി, ഇ.എ സലാം, പി.സി അബൂബക്കര്‍, എം.എ അസീസ് ആരിഫ്, മജീദ് മൂലത്ത് സംസാരിച്ചു.