ആറാട്ടുപുഴ: ലോക തണ്ണീര്‍ത്തട ദിനത്തില്‍ വിവിധ പ്രവര്‍ത്തനങ്ങളുമായി കുരുന്നുകള്‍. തറയില്‍ക്കടവ് എസ്.കെ.ഡി യു.പി സ്‌കൂളിലെ കുരുന്നുകളാണ് തണ്ണീര്‍ത്തടങ്ങളെയും അവ ഉള്‍പെടുന്ന ആവാസ വ്യവസ്ഥകളെയും കണ്ടല്‍ക്കാടുകളെയും സംരക്ഷിക്കുന്നതിന് വിവിധ പ്രവര്‍ത്തനങ്ങളുമായി മുന്നിട്ടിറങ്ങിയത്. തണ്ണീര്‍ത്തട സംരക്ഷണ പ്രതിജ്ഞ, കണ്ടല്‍ക്കാടു സംരക്ഷണപ്രവര്‍ത്തനങ്ങള്‍ തുടങ്ങിയവയും നടന്നു.
ആറാട്ടുപുഴയുടെ തീരപ്രദേശത്ത് വ്യാപകമായി ഉള്ള കണ്ടലുകളും അവയോടു ചേര്‍ന്നുള്ള തണ്ണീര്‍ത്തടങ്ങളും നശിപ്പിക്കപെട്ടുകൊണ്ടിരിക്കുന്നു. ഇതിനെതിരേയുള്ള പരിപാടികളും പരിസ്ഥിതി ക്ലബിന്റെ നേതൃത്വത്തില്‍ നടന്നുവരുന്നു.
സ്‌കൂള്‍പരിസരത്ത് സംരക്ഷിച്ചുവരുന്ന കണ്ടലുകളോടൊപ്പം തീരസംരക്ഷണത്തിനാവശ്യമായ കണ്ടല്‍തൈകള്‍ ലഭ്യമാക്കുന്നതിന് ഗ്രാമ പഞ്ചായത്ത് അധികൃതരോട് അപേക്ഷിച്ചിട്ടുണ്ട്.