കോഴിക്കോട്: ഭൂമി ഇടപാടിന്റെ പുതിയ തലങ്ങള്‍ പരിചയപ്പെടുത്തുന്ന കാരാടന്‍ ലാന്‍ഡ്‌സിന്റെ 'ലാന്‍ഡ് എക്‌സ്‌പോ'ക്ക് തുടക്കം. സ്വപ്നനഗരിയിലെ കാലിക്കറ്റ് ട്രേഡ് സെന്ററില്‍ മേയര്‍ തോട്ടത്തില്‍ രവീന്ദ്രന്‍ എക്‌സ്‌പോ ഉദ്ഘാടനം ചെയ്തു.
ചെയര്‍മാന്‍ കാരാടന്‍ സുലൈമാന്‍, സിഡ്‌കോ ചെയര്‍മാന്‍ നിയാസ് പുളിക്കലകത്ത്, എം.എം ബാബു ചെന്നൈ, കാലിക്കറ്റ് എയര്‍പോര്‍ട്ട് അഡൈ്വസറി ബോര്‍ഡ് അംഗം ടി.പി.എം ഹാഷിര്‍ അലി, നിലമ്പൂര്‍ ബ്ലോക്ക് പഞ്ചായത്ത് അംഗം കെ.ടി കുഞ്ഞാന്‍, കമ്പനി ഡയറക്ടര്‍മ്മാരായ സഫ് റാദ് കാരാടന്‍, അഹമ്മദ് ഷെഫ്‌റിന്‍, ചീഫ് ഓപറേറ്റിങ് ഓഫിസര്‍ രവീന്ദ്രന്‍ നായര്‍ പ്രസംഗിച്ചു. തുടര്‍ന്ന് ഗസല്‍ സന്ധ്യയും അരങ്ങേറി.
കേരളത്തിനകത്തും പുറത്തും വിപുലമായ ഡാറ്റാ ബാങ്കുകളുടെ ബിഗ് സ്‌ക്രീന്‍ പ്രദര്‍ശനം നടന്നു. പ്രവാസി മലയാളികളടക്കം നിരവധി പേരാണ് എക്‌സ്‌പോയുടെ ഭാഗമായത്.
സുസ്ഥിരമായ ഭവനം എന്ന വിഷയത്തില്‍ ആര്‍ക്കിടക്ട് പത്മശ്രീ ജി. ശങ്കര്‍ സംസാരിച്ചു. കോഴിക്കോട് ആസ്ഥാനമായി 25 വര്‍ഷമായി റിയല്‍ എസ്റ്റേറ്റ് മേഖലയില്‍ പ്രവര്‍ത്തിച്ചുവരികയാണ് ഈ കമ്പനി. ഇന്ത്യയില്‍ എവിടെ ഭൂമി വാങ്ങാനും വില്‍ക്കാനും ഇവരുടെ സഹായം തേടാം.
കോഴിക്കോട്ട് നടക്കുന്ന എക്‌സ്‌പോയില്‍ വില്‍ക്കാനുള്ള ഭൂമിയുടെയും വീടുകളുടെയും കെട്ടിടങ്ങളുടെയും വിഡിയോ പ്രദര്‍നവും നടക്കുന്നുണ്ട്. കമ്പനിയുടെ വെബ്‌സൈറ്റ് വഴി വസ്തുവില്‍പനയും വാങ്ങലും അനായാസം നടത്താം. നിയമവിദഗ്ധരടങ്ങിയ പാനലിന്റെ സഹകരണത്തോടെയാണ് കമ്പനി ഇതു നടപ്പാക്കുക. എക്‌സ്‌പോ ഇന്ന് സമാപിക്കും. വിവരങ്ങള്‍ക്ക്: 9846546226.