തൃശൂര്‍: സംസ്ഥാനത്ത് ബസ് ചാര്‍ജ് വര്‍ധിപ്പിക്കുന്ന കാര്യം ഇപ്പോള്‍ പരിഗണനയിലില്ലെന്ന് ഗതാഗത മന്ത്രി എ.കെ ശശീന്ദ്രന്‍. തൃശൂരില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
പ്ലസ്ടു വരെയുള്ള വിദ്യാര്‍ഥികള്‍ക്ക് കെ.എസ്.ആര്‍.ടി.സി.യില്‍ സൗജന്യം അനുവദിക്കുന്ന കാര്യം പരിഗണനയിലുണ്ട്. ബാലാവകാശ കമ്മിഷന്റെ നിര്‍ദേശമനുസരിച്ചാണ് സര്‍ക്കാര്‍ ഈ വിഷയം പരിഗണിക്കുന്നത്. ഹരിത ട്രൈബ്യൂണലിന്റെ വിധി അശാസ്ത്രീയവും അപ്രായോഗികവുമാണ്. ഇതിനെതിരേ സുപ്രിം കോടതിയെ സമീപിക്കുമെന്നും മന്ത്രി പറഞ്ഞു. വിധിക്ക് താല്‍ക്കാലിക സ്‌റ്റേ ലഭിച്ചിട്ടുണ്ട്. എന്നാല്‍ ശാശ്വത പരിഹാരത്തിനാണ് സുപ്രിംകോടതിയെ സമീപിക്കുന്നത്. ഘട്ടംഘട്ടമായാണ് ഇത്തരം നിര്‍ദേശങ്ങള്‍ നടപ്പാക്കേണ്ടതെന്നും മന്ത്രി വ്യക്തമാക്കി.