സുല്‍ത്താന്‍ ബത്തേരി: സി.എച്ച് കള്‍ച്ചറല്‍ സെന്റര്‍ ജീവകാരുണ്യ പ്രവര്‍ത്തനങ്ങള്‍ക്ക് പണം കണ്ടെത്തുന്നതിനായി സംഘടിപ്പിക്കുന്ന അഖിലേന്ത്യാ സെവന്‍സിന്റെ സെമി ഫൈനല്‍ മത്സരങ്ങള്‍ക്ക് ഇന്നുമുതല്‍ തുടക്കമാകും. ബത്തേരി നഗരസഭാ ഫ്‌ളഡ്‌ലൈറ്റ് സ്റ്റേഡിയത്തില്‍ വൈകിട്ട് എട്ടു മുതലാണ് മത്സരങ്ങള്‍ അരങ്ങേറുക. ഇന്നു നടക്കുന്ന ആദ്യസെമിയില്‍ ഡൈനാമോസ് അമ്പലവയല്‍ യൂത്ത് എഫ്.സി എടക്കരയുമായി മത്സരിക്കും.
ശനിയാഴ്ച നടക്കുന്ന രണ്ടാം സെമിയില്‍ ഡോണ ബത്തേരി എഫ്.സി മീനങ്ങാടിയുമായാണ് മാറ്റുരക്കുക. ഞായറാഴ്ച ഫൈനല്‍ മത്സരവും അരങ്ങേറും.
സെമിക്ക് മുന്നോടിയായി വെറ്ററന്‍സിന്റെ പ്രദര്‍ശന മത്സരം ഇന്ന് 7.30 മുതല്‍ നടക്കും. ജീവിത ശൈലീ രോഗങ്ങളെ കുറിച്ചുള്ള ബോധവല്‍ക്കരണും പ്രതിരോധവും ലക്ഷ്യമിട്ട് ആരോഗ്യവകുപ്പിന്റെ സഹകരണത്തിലാണ് വെറ്ററന്‍സ് മത്സരം നടക്കുന്നത്.