ദമാം: നവയുഗം സാംസ്‌ക്കാരികവേദിയുടെ കായികവേദി കേന്ദ്രകമ്മിറ്റി സംഘടിപ്പിയ്ക്കുന്ന 'നവയുഗം സെവന്‍സ്' ഫുട്ബാള്‍ ടൂര്‍ണ്ണമെന്റ് ഈ മാസം 21ന് ആരംഭിക്കുമെന്ന് ഭാരവാഹികള്‍ അറിയിച്ചു. ദമാം ഇസ്തിറാഫ് സ്റ്റേഡിയത്തില്‍ വൈകുന്നേരം 7 മണി മുതല്‍ പ്രാഥമിക മത്സരങ്ങള്‍ നടക്കും. നോക്ക്ഔട്ട് രീതിയില്‍ നടക്കുന്ന മത്സരങ്ങളില്‍ കിഴക്കന്‍ പ്രവിശ്യയിലെ പ്രമുഖ ടീമുകള്‍ പങ്കെടുക്കും. ഫെബ്രുവരി 28 വ്യാഴാഴ്ച വൈകുന്നേരം സെമിഫൈനല്‍, ഫൈനല്‍ മത്സരങ്ങള്‍ നടക്കും. കൂടുതല്‍ വിവരങ്ങള്‍ക്കായി 0506023018, 0501605784 എന്നീ മൊബൈല്‍ നമ്പറുകളില്‍ ബന്ധപ്പെടണമെന്ന് നവയുഗം കായികവേദി പ്രസിഡന്റ് തമ്പാന്‍ നടരാജനും, സെക്രട്ടറി നഹാസും അറിയിച്ചു.