വടകര: ടാസ് തുടര്‍വിദ്യാകേന്ദ്രത്തിന്റെ ആഭിമുഖ്യത്തില്‍ ലോക വനിതാദിനം ആചരിച്ചു. നഗരസഭ ക്ഷേമകാര്യ സ്ഥിരംസമിതി അധ്യക്ഷ പി. സഫിയ ഉദ്ഘാടനം ചെയ്തു. നോഡല്‍ പ്രേരക് കെ.കെ ഷൈജ അധ്യക്ഷയായി. നിയമസാക്ഷരതയും സ്ത്രീ സുരക്ഷയും എന്ന വിഷയത്തെ ആസ്പദമാക്കി സര്‍ക്കാര്‍ പ്ലീഡര്‍ ലതികാ ശ്രീനിവാസ് ക്ലാസെടുത്തു. അങ്കണവാടി അധ്യാപിക പ്രസീത, പ്രേരക് വി. രസിത സംസാരിച്ചു.
നാദാപുരം: മലബാര്‍ വനിതാ കോളജില്‍ ലോക വനിതാ ദിനത്തോടനുബന്ധിച്ച് സെമിനാര്‍ സംഘടിപ്പിച്ചു. അഭിഭാഷകയും, സാമൂഹിക പ്രവര്‍ത്തകയുമായ നിഷാ ലാല്‍മോഹന്‍ ക്ലാസെടുത്തു. കോളജ് വൈസ് പ്രിന്‍സിപ്പല്‍ ഷൈനാ ഷമീര്‍ അധ്യക്ഷയായി. ഷിജി, എന്‍. ജാസിറ എന്നിവര്‍ വിവിധ വിഷയങ്ങളില്‍ പ്രബന്ധമവതരിപ്പിച്ചു. വി.കെ ജിഷ സ്വാഗതവും സി ഹസീന നന്ദിയും പറഞ്ഞു.