ജിദ്ദ: ലോകോത്തര നിലവാരത്തില്‍ മക്കയെ വികസിപ്പിക്കാനായി പുതിയ പദ്ധതി ഒരുങ്ങുന്നു. ലോകത്തെ മോടികൂടിയ നഗരങ്ങളുടെ പട്ടികയില്‍ ഇടം നേടുകയാണ് പദ്ധതിയുടെ ലക്ഷ്യം. ഇതിനായി വിവിധ മേധാവികളെ ഉള്‍പ്പെടുത്തി കമ്മിറ്റി രൂപീകരിച്ചു.

മക്ക നഗരം മോടി കൂട്ടുന്ന വികസന പദ്ധതിക്കാണ് തുടക്കം കുറിച്ചിരിക്കുന്നത്. മക്ക മേയര്‍ എന്‍ജിനീയറാണ് ഇതു സംബന്ധിച്ച് തീരുമാനം അറിയിച്ചത്. ഇതിനായി മക്ക മുനിസിപ്പാലിറ്റിക്കു കീഴിലെ വിവിധ വകുപ്പ് മേധാവികളെയും വിവിധ ബ്രാഞ്ച് മേധാവികളെയും ഉള്‍പ്പെടുത്തി കമ്മിറ്റി രൂപീകരിച്ചു.
മക്കയിലെ പാതയോരങ്ങളില്‍ ഉള്ള ചുവരുകളില്‍ കൊത്തുപണികളും ചിത്രങ്ങളും ഉണ്ടാകും. നഗരത്തിലെ പ്രധാന കേന്ദ്രങ്ങളില്‍ വിവിധ അലങ്കാര സ്തൂപങ്ങള്‍ സ്ഥാപിക്കല്‍ പദ്ധതിയുടെ ഭാഗമാണ്.