വഡോദര: 21 കാരിയായ നഴ്‌സിങ് വിദ്യാര്‍ഥിയെ പീഡിപ്പിച്ചതിന് 66കാരനായ സ്വകാര്യ സര്‍വകലാശാല ഡയറക്ടര്‍ക്കെതിരേ കേസ്. ഗുജറാത്തിലെ വഡോദരയിലെ വഗോഡിയയിലാണ് സംഭവം. പാരൂള്‍ യൂനിവേഴ്‌സിറ്റിയിലെ വിദ്യാര്‍ഥിനിക്കാണ് പീഡനമേല്‍ക്കേണ്ടി വന്നത്.

ഗേള്‍സ് ഹോസ്റ്റല്‍ റെക്ടര്‍ പീഡനത്തിന് കൂട്ടുനിന്നെന്നും ആരോപണമുണ്ട്. സര്‍വകലാശാലയുടെ സ്ഥാപക പ്രസിഡന്റും വിദ്യാഭ്യാസ സംരംഭകനുമായ ജയേഷ് പട്ടേല്‍ എന്ന അറുപത്തിയാറുകാരന്‍ വീട്ടില്‍ വച്ച് പീഡിപ്പിച്ചതായാണ് വിദ്യാര്‍ഥിനി പരാതിപ്പെടുന്നത്.

സംഭവം പുറത്തു പറഞ്ഞാല്‍ കോളജില്‍ നിന്നു പുറത്താക്കുമെന്ന് ഭീഷണിപ്പെടുത്തിയതായും പരാതിയുണ്ട്. കഴിഞ്ഞദിവസം രാത്രിയാണ് റെക്ടര്‍ തന്നെയും കൂട്ടി പട്ടേലിന്റെ വീട്ടിലേക്ക് പോയതെന്നും അവിടെ വച്ച് പീഡിപ്പിക്കുകയുമായിരുന്നുവെന്നും വിദ്യാര്‍ഥിനി പറഞ്ഞു. മുന്‍പ് നിയമസഭാ തെരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ഥിയായി മത്സരിച്ച പട്ടേല്‍ പിന്നീട്ബി.ജെ.പിയില്‍ ചേരുകയായിരുന്നു.സംഭവത്തില്‍ വഗോഡിയ പൊലിസ് കേസെടുത്തു.