വളാഞ്ചേരി (മലപ്പുറം): സംസ്ഥാന വഫിയ്യ കലോത്സവത്തിന്റെ ഭാഗമായി ഇന്ന് വളാഞ്ചേരി മര്‍കസില്‍ നടക്കുന്ന അര്‍ഹാം അസംബ്ലിയില്‍ ആറായിരത്തോളം പേര്‍ പങ്കെടുക്കും. മലപ്പുറം മുതല്‍ തിരുവനന്തപുരം വരെയുള്ള പത്തുജില്ലകളില്‍ നിന്ന് തെരഞ്ഞെടുക്കപ്പെട്ടവരുടെ സംഗമം വാഫി, വഫിയ്യ സംവിധാനത്തിന്റെ ഭാവി പദ്ധതികളുടെ അവതരണത്തിനും വേദിയാവും. അസംബ്ലി പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. മുനവ്വറലി ശിഹാബ് തങ്ങള്‍ അധ്യക്ഷനാവും. അബ്ദുല്‍ ഹകീം ഫൈസി ആദൃശ്ശേരി അര്‍ഹാം സന്ദേശം നല്‍കും.