പാറ്റ്‌ന: താന്‍ എന്‍.ഡി.എയിലേക്കില്ലെന്ന് അറിയിച്ചുകൊണ്ട് ഹിന്ദുസ്ഥാനി അവാം മോര്‍ച്ചാ സെക്യുലര്‍ അധ്യക്ഷനുമായ ജിതന്‍ റാം മാഞ്ജി. ബിഹാറില്‍ മഹാസഖ്യത്തില്‍ ഉറച്ചുനില്‍ക്കും. ഇനി താന്‍ ആര്‍.ജെ.ഡി നേതാവ് ലാലു പ്രസാദ് യാദവിനൊപ്പമാകുമെന്നും മാഞ്ജി വ്യക്തമാക്കി.

കൊല്‍ക്കത്തയില്‍ നടന്ന സി.ബി.ഐ-പൊലിസ് സംഭവത്തില്‍ പ്രതിഷേധിച്ച് മമതാ ബാനര്‍ജി നടത്തിയെ ധര്‍ണക്കെതിരേ വിമര്‍ശനം ഉന്നയിച്ചതോടെയാണ് മാഞ്ജി മഹാസഖ്യം ഉപേക്ഷിക്കുമെന്ന അഭ്യൂഹം പരന്നത്. താന്‍ എന്‍.ഡി.എയിലേക്ക് എന്ന തെറ്റായ വാര്‍ത്തകള്‍ പ്രചരിപ്പിക്കുന്നത് തന്റെയും പാര്‍ട്ടിയുടെയും പ്രതിച്ഛായ തകര്‍ക്കാനുള്ള ശ്രമത്തിന്റെ ഭാഗമാണെന്നും അദ്ദേഹം പറഞ്ഞു.