തിരുവനന്തപുരം: മുഴുവന്‍ സമയവും രാഷ്ട്രീയക്കാരനായിരിക്കാന്‍ താല്‍പ്പര്യമില്ലെന്ന് മുന്‍ കേരള ഫുട്‌ബോള്‍ താരവും സിനിമാ താരവുമായ ഐ.എം വിജയന്‍. രാഷ്ട്രീപ്രവേശനമുണ്ടാകുമെന്നും ആലത്തൂരില്‍ നിന്നും മത്സരിക്കുന്നെന്ന വാര്‍ത്തകളോട് പ്രതികരിക്കുകയായിരുന്നു വിജയന്‍. തനിക്ക് ഫുട്‌ബോളും ജോലിയും സിനിമയുമായി മുന്നോട്ടുപോകാനാണ് താല്‍പ്പര്യമെന്നും അദ്ദേഹം പറഞ്ഞു.

തനിക്ക് എല്ലാ രാഷ്ട്രീയ നേതാക്കളുമായി തനിക്ക് നല്ല ബന്ധമാണുള്ളത്. ഏതെങ്കിലും ഒരു രാഷ്ട്രീയപാര്‍ട്ടിയുടെ ആളായിരിക്കാന്‍ തനിക്ക് താല്‍പര്യമില്ലെന്നും ഐ.എം വിജയന്‍ പറഞ്ഞു. രാഷ്ട്രീയപ്രവേശനമെന്ന വിഷയവുമായി കോണ്‍ഗ്രസ് നേതാക്കള്‍ നിരവധി തവണ തന്നോട് ചര്‍ച്ച നടത്തിയിരുന്നതായും അദ്ദേഹം വ്യക്തമാക്കി.