ഹരാരെ: സിംബാബ്‌വെയില്‍ പര്യടനം നടത്തുന്ന ഇന്ത്യന്‍ ടീമില്‍ അംഗമായ താരം പീഡനത്തിന് അറസ്റ്റിലായെന്ന വാര്‍ത്ത വ്യാജമാണെന്ന് ബി.സി.സി.ഐയോട് അടുത്ത വൃത്തങ്ങള്‍ വ്യക്തമാക്കി. ഇന്ത്യന്‍ സംഘത്തിനൊപ്പമുള്ള ഒരാള്‍ സംഭവത്തില്‍ അറസ്റ്റിലായിട്ടുണ്ട്. എന്നാല്‍ ഇത് ടീമിന്റെ സ്‌പോണ്‍സര്‍മാരിലൊരാളാണ്. ഇക്കാര്യം സംബന്ധിച്ച് സിംബാബ്‌വെയിലുള്ള ഇന്ത്യന്‍ അംബാസിഡറുമായി സംസാരിച്ചു കഴിഞ്ഞു. മാധ്യമങ്ങളിലൂടെ പ്രചരിക്കുന്ന വാര്‍ത്ത തീര്‍ത്തും വ്യാജമാണെന്നും ഇവര്‍ വ്യക്തമാക്കി.

നേരത്തെ ടീം താമസിക്കുന്ന ഹോട്ടലിലെ ജോലിക്കാരിയെ പീഡിപ്പിച്ചെന്ന പരാതിയില്‍ ഇന്ത്യന്‍ താരത്തെ അറസ്റ്റ് ചെയ്‌തെന്ന് സിംബാബ്‌വെ മാധ്യമങ്ങള്‍ റിപ്പോര്‍ട്ട് ചെയ്തിരുന്നു.