ഫറോക്ക് : കണ്ണുകാണാത്തവരെ മജ്്‌ലിസുന്നൂര്‍ പഠിപ്പിക്കുന്നതിനായി കാഴ്ചയില്ലാത്തവരുടെ സംഘം രൂപീകരിച്ചു. അസ്സ്വബാഹ് സൊസൈറ്റി ഫോര്‍ ദി ബ്ലൈന്റിന്റെ നേതൃത്വത്തിലുളള ഈ പതിനൊന്നംഗ സംഘത്തിനു പരിശീലനം നല്‍കുന്നത് ചെറുവണ്ണൂര്‍ നല്ലളം മജ്‌ലിസുന്നൂര്‍ അമീര്‍ മാമുക്കോയ മുസ്്‌ലിയാരാണ്.
    മോഡേണ്‍ ബസാറിലെ മഹ്മൂദ് മസ്ജിദുല്‍ ആരംഭിച്ച ത്രിദിന പരിശീലനത്തില്‍ സംസ്ഥാനത്തന്റെ വിവിധയിടങ്ങളില്‍ നിന്നുളള കാഴ്ചയില്ലാത്തവര്‍ പങ്കെടുക്കുന്നുണ്ട്. സംസ്ഥാനത്ത് ആദ്യമായാണ് ഇത്തരത്തിലൊരു പരിശീലനം നടക്കുന്നത്.ഉദ്ഘാടന ചടങ്ങില്‍ മോഡേണ്‍ മസ്ജിദ് പ്രസിഡന്റ് സക്കീര്‍ ഹാജി, റിയാസ് ഹംസക്കോയ, അബ്ദുറഹിമാന്‍ എന്ന ബാവ, ജമാലുദ്ദീന്‍ ഫൈസി, എ. അബ്ദുറഹീം, അസ്വബാഹ് സൊസൈറ്റി ഫോര്‍ ദി ബ്ലൈന്റ് സംസ്ഥാന പ്രസിഡന്റ് പി.എ അബ്ദുല്‍ കരീം, സെക്രട്ടറി മുസ്തഫ മാസ്റ്റര്‍ സംസാരിച്ചു.