കിനാലൂര്‍: എസ്.കെ.എസ്.എസ്.എഫ് കിനാലൂര്‍ ശാഖാ കമ്മിറ്റി മഹല്ലിലെ നിര്‍ധനരായ കുടുംബങ്ങള്‍ക്ക് പ്രഖ്യാപിച്ച ഭവന നിര്‍മാണ സഹായം നല്‍കിത്തുടങ്ങി. നിര്‍ധന സഹോദരന്റെ വീടിന്റെ കട്ടിലവയ്ക്കല്‍ കര്‍മം നിര്‍വഹിച്ച് മഹല്ല് ഖത്തീബ് ഷമീര്‍ ബാഖവി പരിപാടി ഉദ്ഘാടനം ചെയ്തു. കിനാലൂര്‍ മഹല്ലിലെ പാവപ്പെട്ട പത്തോളം കുടുംബങ്ങള്‍ക്ക് കമ്മിറ്റിയുടെ സഹായം ലഭിക്കും.
മജ്‌ലിസുന്നൂര്‍ രണ്ടാം വാര്‍ഷികത്തോടനുബന്ധിച്ച് നടത്തിയ മതപ്രഭാഷണ പരിപാടിയിലാണ് എസ്.കെ.എസ്.എസ്.എഫ് പദ്ധതി പ്രഖ്യാപിച്ചത്. പ്രസിഡന്റ് ടി.എം നൗഷാദ്, സെക്രട്ടറി ഷംസീര്‍ ആശാരിക്കല്‍, അബ്ദുള്ള കണ്ടോത്ത്, ഇ.കെ മുഹമ്മദ്, ഇസ്മാഈല്‍, കെ.കെ മുഹമ്മദ് ഷാഫി, മുഹമ്മദലി പങ്കെടുത്തു.