കോഴിക്കോട്: ദേശീയ വനിതാ ദിനാചരണത്തോടനുബന്ധിച്ച് ഗുജറാത്തില്‍ പ്രധാനമന്ത്രി നരേന്ദ്രമോദി പങ്കെടുത്ത പരിപാടിയില്‍ കേരളത്തില്‍ നിന്നും പങ്കെടുത്ത മുസ്‌ലിം ജനപ്രതിനിധികളുടെ മഫ്ത അഴിപ്പിച്ച നടപടിയില്‍ പ്രതിഷേധിച്ച് കോഴിക്കോട് ജില്ലാ മുസ്‌ലിം ലീഗ് കമ്മിറ്റിയുടെ ആഭിമുഖ്യത്തില്‍ ജനപ്രതിനിധികള്‍ പ്രതിഷേധ പ്രകടനം നടത്തി. മുസ്‌ലിം ലീഗ് സംസ്ഥാന വൈസ് പ്രസിഡന്റ് സി.മോയിന്‍കുട്ടി ഉദ്ഘാടനം ചെയ്തു.  ജില്ലാ പ്രസിഡന്റ് ഉമ്മര്‍ പാണ്ടികശാല അധ്യക്ഷനായി. വനിതാ ലീഗ് ദേശീയ ജനറല്‍ സെക്രട്ടറി അഡ്വ.നൂര്‍ബിനാറഷീദ്, യൂത്ത് ലീഗ് സംസ്ഥാന  സീനിയര്‍ വൈസ് പ്രസിഡന്റ് നജീബ് കാന്തപുരം, റസാഖ് മാസ്റ്റര്‍, അഡ്വ.പി കുല്‍സു,  ടി.കെ സീനത്ത്, അഹമ്മദ് പുന്നക്കല്‍, ആഷിഖ് ചെലവൂര്‍, എന്‍.സി അബൂബക്കര്‍ സംസാരിച്ചു.