തിരുവനന്തപുരം തൈക്കാട് പൊലിസ് ട്രെയിനിംഗ് കോളജില്‍ ഓര്‍ക്കസ്ട്ര വിഭാഗത്തില്‍ താത്കാലികാടിസ്ഥാനത്തില്‍ (179 ദിവസം) നിയമത്തിന് അപേക്ഷ ക്ഷണിച്ചു. കീബോര്‍ഡ്, വയലിന്‍, മൃദംഗം, ലീഡ് ഗിത്താര്‍, ഡ്രംസ്, വോക്കല്‍ (പുരുഷന്‍), വോക്കല്‍ (സ്ത്രീ), എന്നിവയില്‍ ഓരോ ഒഴിവുകളാണുള്ളത്. സംസ്ഥാനത്തെ സംഗീത കോളേജുകളില്‍ നിന്നും നിശ്ചിത യോഗ്യത നേടിയ ഉദ്യോഗാര്‍ത്ഥികള്‍ സ്വന്തം കൈപ്പടയില്‍ തയ്യാറാക്കിയ അപേക്ഷയും യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പുകളും ബയോഡേറ്റയും സഹിതം പ്രിന്‍സിപ്പാള്‍, പോലീസ് ട്രെയിനിംഗ് കോളജ്, തൈക്കാട്, തിരുവനന്തപുരം എന്ന വിലാസത്തില്‍ മാര്‍ച്ച് 25ന് മുമ്പ് അപേക്ഷിക്കണം. ഉയര്‍ന്ന യോഗ്യതയുടെയും പ്രായോഗിക പരീക്ഷയുടെയും അടിസ്ഥാനത്തിലായിരിക്കും തിരഞ്ഞെടുപ്പ്.