മനാമ: 'അഭിമാനകരമായ അസ്തിത്വം' എന്ന വിഷയത്തില്‍ ബഹ്‌റൈന്‍ കെ എം സി സി സംഘടിപ്പിക്കുന്ന പരിപാടിയില്‍ പ്രമുഖ പ്രഭാഷകന്‍ കെ എം ഷാജി എം എല്‍ എ സംസാരിക്കുമെന്ന് ബന്ധപ്പെട്ടവര്‍ അറിയിച്ചു.

കെ.എം.സിസി സംസ്ഥാന കമ്മറ്റിയുടെ നേതൃത്വത്തിലും കണ്ണൂര്‍ ജില്ലാ കമ്മറ്റിയുടെ നേതൃത്വത്തിലുമായി വെള്ളി,ശനി ദിവസങ്ങളിലാണ് പ്രഭാഷണ പരിപാടികള്‍ ഒരുക്കിയിരിക്കുന്നത്.
മുസ്‌ലിംലീഗ് സ്ഥാപകദിനമായ വെള്ളിയാഴ്ച രാത്രി എട്ടു മണിക്ക് മനാമ അല്‍ രാജാ സ്‌കൂള്‍ ഓഡിറ്റോറിയത്തിലാണ് പരിപാടി.

ചടങ്ങില്‍ മിഡില്‍ ഈസ്റ്റ് ചന്ദ്രിക ബഹ്‌റൈന്‍ തയാറാക്കിയ 'ഇ അഹമ്മദ് ബഹ്‌റൈന്‍ ഓര്‍മകള്‍' എന്ന സമാഹാരത്തിന്റെ പ്രകാശനവും നടക്കും.
ശനിയാഴ്ച രാത്രി എട്ടു മണിക്ക് മനാമ പാക്കിസ്ഥാന്‍ ക്ലബ്ബില്‍ നടക്കുന്ന പരിപാടിയില്‍ 'ഫാസിസം അടിത്തട്ടിലേക്ക്' എന്ന വിഷയത്തിലും കെ.എം ഷാജി പ്രഭാഷണം നടത്തും.