നീലേശ്വരം: കാറും സ്‌കൂട്ടറും കൂട്ടിയിടിച്ചു വിദ്യാര്‍ഥികള്‍ ഉള്‍പ്പെടെ മൂന്നു പേര്‍ക്കു പരുക്ക്. ഇന്നലെ പന്ത്രണ്ടരയോടെ ചായ്യോം നരിമാളത്തായിരുന്നു അപകടം. കാലിച്ചാനടുക്കം എസ്.എന്‍.ഡി.പി യോഗം ആര്‍ട്‌സ് ആന്‍ഡ് സയന്‍സ് കോളജിലെ ബി.എസ്.സി രണ്ടാം വര്‍ഷ ഫിസിക്‌സ് വിദ്യാര്‍ഥികളായ പരപ്പ ബാനത്തെ വൈശാഖ് (19), കരിന്തളം തലയടുക്കത്തെ അഭിഷേക് (19), എന്നിവര്‍ക്കും കാറിലുണ്ടായിരുന്ന പൂവാലംകൈയിലെ ജോര്‍ജിനു (58) മാണു പരുക്ക്. തലയ്ക്കു പരുക്കേറ്റ വൈശാഖിനു നീലേശ്വരം തേജസ്വിനി ആശുപത്രിയില്‍ പ്രഥമ ശുശ്രൂഷ നല്‍കി മംഗളൂരുവിലേക്കു മാറ്റി. മറ്റു രണ്ടു പേരെയും തേജസ്വിനി സഹകരണ ആശുപത്രിയില്‍ പ്രവേശിപ്പിച്ചു.