കൊച്ചി: വൈകാരിക അവസ്ഥക്ക് അനുസൃതമായി തലച്ചോറിലുണ്ടാകുന്ന ബയോ സിഗ്നല്‍സ് കൃത്യമായി വിശകലനം ചെയ്യുന്നതിനുവേണ്ടി ബ്രെയിന്‍ വേവ് മാപ്പിങ് സ്മാര്‍ട്ട്് ഇയര്‍ ഫോണ്‍ രൂപകല്‍പ്പനചെയ്ത കുസാറ്റ് വിദ്യാര്‍ഥി നിതിന്‍ വസന്തിന് ദേശീയ അംഗീകാരം. കൊച്ചി സര്‍വകലാശാലയിലെ സ്‌കൂള്‍ ഓഫ് എന്‍ജിനീയറിങ്്  വിദ്യാര്‍ഥിയാണ് നിതിന്‍. മാര്‍ച്ച് 5ന് രാഷ്ട്രപതി ഭവനില്‍  നടന്ന ചടങ്ങില്‍ വച്ചാണ്  2017 ലെ ഗാന്ധിയന്‍ യങ് ടെക്‌നോളജിക്കല്‍ ഇന്നവേഷന്‍ അവാര്‍ഡ് ലഭിച്ചത്. പ്രശസ്തി പത്രവും 15 ലക്ഷം രൂപയുടെ ഫെലോഷിപ്പുമാണ് പുരസ്‌കാരം.  ഈ വര്‍ഷം കേരളത്തില്‍ നിന്നുള്ള ഏക അവാര്‍ഡ് ജേതാവാണ് നിതിന്‍. ഇന്ത്യയൊട്ടാകെ 39 പേര്‍ക്ക് ഈ അവാര്‍ഡ് ലഭിച്ചുവെങ്കിലും 15 പേര്‍ക്കാണ് ഫെല്ലോഷിപ്പ് ലഭിച്ചിരിക്കുന്നത്. വടകരയിലെ  കെ. എസ്. ഇ. ബി റിട്ട. എന്‍ജിനീയര്‍ വസന്തിന്റയും ഗീതയുടെയും മകനാണ്  നിതിന്‍. സഹോദരി നീതു.