മലപ്പുറം: മലപ്പുറം ലോക്‌സഭാ ഉപതെരഞ്ഞെടുപ്പിലേക്കുള്ള മുസ്‌ലിം ലീഗ് സ്ഥാനാര്‍ഥിയെ 15ന് മലപ്പുറത്ത് ചേരുന്ന മുസ്‌ലിം ലീഗ് സംസ്ഥാന പ്രവര്‍ത്തക സമിതിയില്‍ തീരുമാനിക്കുമെന്നു സംസ്ഥാന ജനറല്‍ സെക്രട്ടറി കെ. പി. എ മജീദ് പറഞ്ഞു. രാവിലെ 11ന് മലപ്പുറം ലീഗ് ഓഫിസിലാണ് യോഗം.
എല്‍. ഡി. എഫ് സ്ഥാനാര്‍ഥിയെ ഇരുപതോടെ തീരുമാനിക്കുമെന്നു സി. പി. എം മലപ്പുറം ജില്ലാ സെക്രട്ടറി പി. പി. വാസുദേവന്‍ പറഞ്ഞു. മണ്ഡലത്തില്‍ ഇത്തവണ പാര്‍ട്ടി ചിഹ്നം ഉപേക്ഷിച്ചു സ്വതന്ത്രനെ പരീക്ഷിക്കുന്ന കാര്യം എല്‍. ഡി. എഫ് ആലോചിക്കുന്നുണ്ട്.