മക്ക: നാട്ടില്‍ നിന്നും സ്വകാര്യ ഹജ്ജ് ഗ്രൂപ്പ് മുഖേന ഉംറക്കെത്തി മക്കയില്‍ കാണാതായ മലയാളി വീട്ടമ്മയെ ഹറമില്‍ കണ്ടെത്തി. കൊയിലാണ്ടി കൊല്ലം സ്വദേശിനി എറുങ്കാട്ടില്‍ അഷ്‌റഫ് മഹല്‍ നഫീസ (45) യെയാണ് കഴിഞ്ഞ ബുധനാഴ്ച മുതല്‍ കാണാതായിരുന്നത്.

തിരച്ചിലിനിടയില്‍ ഇവര്‍ ഉപയോഗിച്ചിരുന്ന തിരിച്ചറിയാനുള്ള മാര്‍ഗ്ഗങ്ങളായ പ്രത്യേക നിറത്തിലുള്ള തട്ടവും ഐഡി കാര്‍ഡും ഇവര്‍ ഇരുന്നിരുന്ന സ്ഥലത്തിനു സമീപത്തു നിന്നായി തൊട്ടടുത്ത ദിവസം ലഭിച്ചിരുന്നു. അതിനാല്‍ ഇവരുടെ കയ്യില്‍ യാതൊരു വിധ തിരിച്ചറിയല്‍ രേഖകളുമുണ്ടായിരുന്നില്ല. അഞ്ചു ദിവസത്തെ തിരച്ചിലിനു ശേഷം പള്ളിക്കു മുകളില്‍ ക്ഷീണിതയായ നിലയില്‍ കണ്ടെത്തുകയായിരുന്നുവെന്ന് അമീര്‍ അബ്ദുറസാഖ് ബുസ്താനി പറഞ്ഞു