തലശ്ശേരി: എം.എല്‍.എ എ.എന്‍ ഷംസീറിന്റെ മാടപീടികയിലെ വീടിന് ബോംബെറിഞ്ഞ കേസില്‍ ആര്‍.എസ്.എസ് പ്രവര്‍ത്തകന്‍ അറസ്റ്റില്‍.
പുന്നോല്‍ മാക്കൂട്ടം സ്വദേശി ശ്രീനിലയത്തില്‍ ആര്‍. സതീഷി(25)നെയാണ് തലശ്ശേരി സി.ഐ എം. പി ആസാദും സംഘവും അറസ്റ്റ് ചെയ്തത്. ശബരിമല യുവതീ പ്രവേശനവുമായി ബന്ധപ്പെട്ട് തലശ്ശേരി മേഖലകളില്‍ നടന്ന സംഘര്‍ഷങ്ങളുടെ തുടര്‍ച്ചയായി ജനുവരി നാലിന് രാത്രി 10.15 ഓടെയാണ് എം.എല്‍.എയുടെ വീടിനുനേരെ ബോംബേറ് നടന്നത്.
സംഭവം നടക്കുമ്പോള്‍ എം.എല്‍.എയുടെ ബന്ധുക്കളും മാതാവും പിതാവുമാണ് വീട്ടിലുണ്ടായിരുന്നത്. പൊലിസ് സംരക്ഷണം ഉണ്ടായിരുന്നെങ്കിലും അവരുടെ ശ്രദ്ധയില്‍പ്പെടാതെയാണ് അക്രമിസംഘം ബോംബേറിഞ്ഞത്.