കാബൂള്‍: അഫ്ഗാനിസ്ഥാന്‍ തലസ്ഥാനമായ കാബൂളിലുണ്ടായ ചാവേറാക്രമണത്തില്‍ 14 പേര്‍ കൊല്ലപ്പെട്ടു. രാവിലെ ജലാലാബാദിലെ പുല്‍ ഇ ചര്‍ക്കിലൂടെ പോവുകയായിരുന്ന ബസ്സില്‍ വെച്ച് ചാവേര്‍ പൊട്ടിത്തെറിക്കുകയായിരുന്നു. നേപ്പാളിലെ സൂരക്ഷാ ഭടന്‍മാര്‍ സഞ്ചരിച്ച ബസ്സിലാണ് ചാവേറാക്രമണം ഉണ്ടായത്.

അക്രമണത്തിന്റെ ഉത്തരവാദിത്വം താലിബാന്‍ ഏറ്റെടുത്തതായി അറിയിച്ചു. റമദാന്‍ തുടങ്ങിയിയ ശേഷം കാബൂളില്‍ നടക്കുന്ന ആദ്യ അക്രമസംഭവമാണിത്.
ഇതിനുമുന്‍പ് ഏപ്രില്‍ 19 നാണ് കാബൂളില്‍ അക്രമണം നടന്നത്. അന്ന് 64 പേര്‍ മരിക്കുകയും 340 ലധികം ആളുകള്‍ക്ക് പരുക്കേല്‍ക്കുകയും ചെയ്്തിരുന്നു.1