ബദിയഡുക്ക: സാധനങ്ങള്‍ കടം നല്‍കാത്തതിന് വ്യാപാരിയെ ആറംഗ സംഘം മര്‍ദിച്ചതായി പരാതി. ചെര്‍ളടുക്കയിലെ വ്യാപാരി കൊല്ലങ്കാനയിലെ ഹസൈനാറി(45)നാണ് മര്‍ദനമേറ്റത്.
കഴിഞ്ഞ ദിവസം രാത്രി എട്ടരയോടെയാണ് സംഭവം. കടയിലെത്തിയ ആറംഗ സംഘത്തില്‍ രണ്ടുപേര്‍ സാധനങ്ങള്‍ കടമായി ചോദിച്ചു. എന്നാല്‍ വ്യാപാരി അതിനു തയാറായില്ലെന്നും ഇതിന്റെ വൈരാഗ്യത്തില്‍ സംഘം മര്‍ദിച്ചുവെന്നുമാണ് പരാതി.
സംഭവമറിഞ്ഞ് ബദിയഡുക്ക പൊലിസ് സ്ഥലത്തെത്തിയെങ്കിലും അപ്പോഴേക്കും സംഘം ഓടി രക്ഷപ്പെട്ടു. വ്യാപാരിയെ കാസര്‍കോട്ടെ ആശുപത്രിയില്‍ പ്രവേശിപ്പിച്ചു.