ട്രിപ്പോളി: ലിബിയയിലെ തെരഞ്ഞെടുപ്പ് കമ്മിഷന്‍ ആസ്ഥാനത്ത് നടന്ന സ്‌ഫോടനത്തില്‍ രണ്ട് ചാവേറുകള്‍ ഉള്‍പ്പെടെ 12 കൊല്ലപ്പെട്ടു. തലസ്ഥാനമായ ട്രിപ്പോളിയില്‍ ഉദ്യോഗസ്ഥന്മാര്‍ വോട്ടര്‍മാരെ രജിസ്റ്റര്‍ ചെയ്യുന്നതിന്നിടെയാണ് സ്‌ഫോടനമുണ്ടായത്. അടുത്ത വര്‍ഷമാണ് രാജ്യത്ത് പൊതു തെരഞ്ഞെടുപ്പ് നടക്കുന്നത്.
തെരഞ്ഞെടുപ്പ് കമ്മിഷനിലെ മൂന്ന് ഉദ്യോഗസ്ഥര്‍, നാല് സുരക്ഷാ ഉദ്യോഗസ്ഥര്‍ എന്നിവര്‍ കൊല്ലപ്പെട്ടവരിലുണ്ടെന്ന് തെരഞ്ഞെടുപ്പ് കമ്മിഷന്‍ ഖാലിദ് ഉമര്‍ പറഞ്ഞു.
സുരക്ഷാ ഉദ്യോഗസ്ഥര്‍ പരിശോധന നടത്തുന്നതിന്നിടെ ചാവേറുകള്‍ പൊട്ടിത്തെറിക്കുകയായിരുന്നു. ആക്രമണത്തിന്റെ ഉത്തരവാദിത്വം ഐ.എസ് ഏറ്റെടുത്തു.