തിരുവനന്തപുരം: കേരളത്തില്‍ വ്യാപിച്ചുകൊണ്ടിരിക്കുന്ന സ്ത്രീകള്‍ക്കെതിരേയുള്ള ആക്രമണങ്ങള്‍ക്കും ഇതര സാമൂഹിക തിന്മകള്‍ക്കും എതിരേ പ്രതികരിക്കുകയും പ്രതിരോധം തീര്‍ക്കുകയും ചെയ്യണമെന്നു സാമൂഹിക പ്രവര്‍ത്തകയും എഴുത്തുകാരിയുമായ മാനസിദേവി അഭിപ്രായപ്പെട്ടു. കേന്ദ്ര സാഹിത്യ അക്കാഡമിയുടെ ആഭിമുഖ്യത്തില്‍ വൈ.എം.സി.എ ഹാളില്‍ നടത്തിയ വനിതാ എഴുത്തുകാരുടെ സംഗമം നാരി ചേതന ഉദ്ഘാടനം ചെയ്യുകയായിരുന്നു അവര്‍. തിരുവനന്തപുരം വൈ.ഡബ്ല്യു.സി.എ പ്രസിഡന്റ് ലാലി തോമസ് അധ്യക്ഷത വഹിച്ചു. കേന്ദ്ര സാഹിത്യ അക്കാഡമി ഉപദേശകസമിതി അംം ഡോ. കായംകുളം യൂനുസ്, എഴുത്തുകാരായ പ്രൊഫ. എ. ഹൈറുന്നിസ, ഡോ. ബെറ്റിമോള്‍ മാത്യു, ഷാമിലാ പൂജ, ജസീന്താ മോറിസ്, ജി. നവനീത, കോ-ഓര്‍ഡിനേറ്റര്‍ കെ. ബാബുക്കുട്ടി എന്നിവര്‍ പ്രസംഗിച്ചു.