ന്യൂഡല്‍ഹി: കൊവിഡ്-19 നെതിരേ ഇന്ത്യയുടെ പോരാട്ടം വിജയം കാണുമെന്നും ഇന്ത്യ നല്‍കിയ സഹായത്തിന് നന്ദിയുണ്ടെന്നും ചൈന. ന്യൂഡല്‍ഹിയിലെ ചൈനീസ് എംബസി വക്താവ് കോണ്‍സലര്‍ ജി റോങ് ആണ് കൊവിഡിനെ നേരിടാന്‍ ചൈനക്ക് ഇന്ത്യ നല്‍കിയ സഹായങ്ങളെ പ്രശംസിച്ചത്. ഇന്ത്യയ്ക്കുവേണ്ടി ചൈനയും സമാനമനസോടെ ഉണ്ടാകുമെന്ന് അദ്ദേഹം പ്രസ്താവനയില്‍ പറഞ്ഞു.
കൊവിഡിനെതിരേ ഇന്ത്യ തുടക്കനാളില്‍ തന്നെ ജാഗ്രതയും പോരാട്ടവും ആരംഭിച്ചിട്ടുണ്ട്. ഇത്തരം പകര്‍ച്ചവ്യാധികളെ നേരിടാന്‍ ഇന്ത്യയുള്‍പ്പെടെയുള്ള രാജ്യങ്ങളുമായി തുടര്‍ന്നും ചൈന സഹകരിച്ചു പ്രവര്‍ത്തിക്കുമെന്ന് അദ്ദേഹം പറഞ്ഞു. ചൈനയ്ക്ക് മെഡിക്കല്‍ ഉപകരണങ്ങളും മറ്റും ഇന്ത്യ നല്‍കിയിരുന്നു. ചൈനയില്‍ രോഗം നിയന്ത്രണത്തിലാക്കാന്‍ ഇന്ത്യക്കാര്‍ പലവഴിക്ക് പ്രവര്‍ത്തിച്ചുവെന്നും സഹായിച്ചുവെന്നും അദ്ദേഹം പറഞ്ഞു. വുഹാനിലേക്ക് ഇന്ത്യ 15 ടണ്‍ മെഡിക്കല്‍ ഉപകരണങ്ങളാണ് നല്‍കിയത്.