തൃക്കരിപ്പൂര്‍: ഫാപ്പിന്‍സ് കമ്മ്യൂണിറ്റി കോളജ് ഓഫ് ബിഹേവിയര്‍ മാനേജ്‌മെന്റിന്റെ നേതൃത്വത്തില്‍ കണ്ണൂര്‍ സര്‍വകലാശാല നടത്തുന്ന പി.ജി ഡിപ്ലോമ ഇന്‍ കൗണ്‍സിലിങ് ആന്‍ഡ് പി.ജി ഡിപ്ലോമ ലേണിങ് ഡിസാബിലിറ്റി ബാച്ചുകളുടെ അലുമ്‌നി അസോസിയേഷന്‍ രൂപീകരണവും 2015-16 ബാച്ചിന്റെ കോണ്‍വൊക്കേഷനും ഇന്നു നടക്കും. വൈകുന്നേരം മൂന്നിന് പയ്യന്നൂര്‍ ഗാന്ധി മൈതാനിയില്‍ സര്‍വകലാശാല രജിസ്ട്രാര്‍ ഡോ. ബാലചന്ദ്രന്‍ ഉദ്ഘാടനം ചെയ്യും.
മീനപൊങ്കാലയ്ക്കു ഒരുക്കമായി
പയ്യാവൂര്‍: ചാമക്കാല്‍ ഭഗവതി ക്ഷേത്രത്തില്‍ 19ന് നടക്കുന്ന മീനപ്പൊങ്കാലയ്ക്ക് തുടക്കമായി. ക്ഷേത്രസന്നിധിയില്‍ ബ്രഹ്മശ്രീ വട്ടക്കുന്നില്ലത്ത് വിഷ്ണു നമ്പൂതിരിയുടെ കാര്‍മികത്വത്തില്‍ കലം അണിയിക്കന്‍ ചടങ്ങും കുമ്പളംപൊയ്കയില്‍ അയ്യപ്പന്റെയും തെങ്ങുംപള്ളില്‍ മണിയന്റെയും മുഖ്യകാര്‍മികത്വത്തില്‍ സര്‍വൈശ്വര്യ പൂജയും നടന്നു.