കണ്ണൂര്‍: ഡിജിറ്റല്‍ സേവനങ്ങള്‍ ജനകീയമാക്കാന്‍ ജില്ലാഭരണകൂടം ആവിഷ്‌കരിച്ച ട്രൈഡി പദ്ധതിയില്‍ രജിസ്റ്റര്‍ ചെയ്യുന്ന വിദ്യാര്‍ഥികള്‍ക്ക് ലക്കി ഡ്രോ നല്‍കുന്ന പദ്ധതിയുടെ ഉദ്ഘാടനം കലക്ടറുടെ ചേമ്പറില്‍ നടന്നു.   
കലക്ടര്‍ മീര്‍ മുഹമ്മദലി, ജില്ലാ പഞ്ചായത്ത് പ്രസി.കെ വി സുമേഷ് എന്നിവരുടെ സാിധ്യത്തില്‍ ചാല ചിന്മയ സ്‌കൂള്‍ യൂനിയന്‍ ചെയര്‍പേഴ്‌സന്‍ ഷിഗുഫ്ത ആദ്യ പേര് നല്‍കി രജിസ്റ്റര്‍ ചെയ്തു. ജില്ലയിലെ മുഴുവന്‍ വിദ്യാര്‍ഥികളെയും ട്രൈഡി പദ്ധതിക്ക് കീഴില്‍ കൊണ്ടുവരുതിന് ലക്ഷ്യമിടുന്ന പദ്ധതിയില്‍ ഒരു സ്ഥാപനത്തില്‍ നിന്നു രജിസ്റ്റര്‍ ചെയ്യുന്ന  ഓരോ അന്‍പതുപേരില്‍ നിന്നും ലക്കി ഡ്രോയിലൂടെ തിരഞ്ഞെടുക്കപ്പെടുന്ന  ഒരാള്‍ക്ക് സമ്മാനമായി 250 രൂപ ലഭിക്കും.  
എല്ലാ ആഴ്ചയും നറുക്കെടുപ്പ് നടക്കും.  ഒരു വ്യക്തിയുടെ ആധാര്‍ കാര്‍ഡ്, മൊബൈല്‍ നമ്പര്‍, ബാങ്ക് അക്കൗണ്ട് എന്നിവ പരസ്പരം ബന്ധിപ്പിക്കുന്നതിലൂടെ കൂടുതല്‍ ഡിജിറ്റല്‍ സേവനങ്ങള്‍ക്ക് അര്‍ഹനാക്കുകയെതാണ് പദ്ധതിയുടെ പ്രധാന ലക്ഷ്യം. ബാങ്കുകള്‍, ഐ.ടി മിഷന്‍, നാഷണല്‍ ഇന്‍ഫര്‍മാറ്റിക് സെന്റര്‍ എന്നിവയുടെ സഹകരണത്തോടെയാണ് പദ്ധതി നടപ്പാക്കുന്നത്.
ജില്ലാ ഇന്‍ഫര്‍മാറ്റിക് ഓഫിസര്‍ ആന്‍ഡ്രൂസ് വര്‍ഗീസ്, ഐ.ടി മിഷന്‍ കോര്‍ഡിനേറ്റര്‍ മിഥുന്‍ കൃഷ്ണ, കേരള ഗ്രാമീണ ബാങ്ക് റീജ്യണല്‍ മാനേജര്‍ എന്‍.കെ പ്രസന്ന, എസ്.ബി.ഐ ചീഫ് മാനേജര്‍ പ്രേമാനന്ദന്‍ പങ്കെടുത്തു.