കൊല്ലം: ഹോം ക്വാറന്റൈന്‍ നിര്‍ദ്ദേശം ലംഘിച്ച് യു.പിയിലേക്ക് കടന്ന കൊല്ലം സബ് കളക്ടര്‍ അനുപം മിശ്രയ്ക്ക് സസ്‌പെന്‍ഷന്‍.

ഔദ്യോഗിക വസതിയില്‍ നിരീക്ഷണത്തിലിരിക്കെയാണ് സബ് കളക്ടര്‍ സ്വദേമായ കാന്‍പൂരിലേക്ക് മുങ്ങിയത്.

ഒന്നിലധികം രാജ്യങ്ങള്‍ സന്ദര്‍ശിച്ച ശേഷം ഈ മാസം 18 നാണ് സബ് കളക്ടര്‍ കൊല്ലത്ത് മടങ്ങിയെത്തിയത്.

ആരോഗ്യവകുപ്പ് ഉദ്യോഗസ്ഥര്‍ ഔദ്യാഗിക വസതിയിലെത്തിയപ്പോള്‍ മിശ്ര അവിടെയില്ലായിരുന്നു. തുടര്‍ന്ന് ഫോണില്‍ ബന്ധപ്പോള്‍ കാണ്‍പൂരിലെന്ന് മറുപടി. വിദേശത്തുനിന്നെത്തിയ മിശ്ര 19ാം തീയതി മുതല്‍ നിരീക്ഷണത്തിലായിരുന്നു.

ഇയാളുടെ ഗണ്‍മാനെതിരെയും അന്വേഷണം ആരംഭിച്ചു. അനുപം മിശ്രയ്ക്കൊപ്പം ക്വാറന്റൈനില്‍ പോയെങ്കില്‍ നടപടിയുണ്ടാവില്ല. അല്ലെങ്കില്‍ വിവരം ഒളിച്ചുവെച്ചതിന് കേസെടുക്കും.