ശ്രീകണ്ഠപുരം: ഇരുഡിലെ കാക്കനാട്ട് ലൂക്കയുടെ വിട്ടില്‍ നിന്ന് മോഷണം പോയ 20 പവന്‍ സ്വര്‍ണാഭരണങ്ങളില്‍ 14 പവന്‍ സ്വര്‍ണം പ്രതിയായ പരിയാരം കുണ്ടപ്പാറ കോളനിയിലെ നീര്‍ച്ചാലില്‍ ബിജുവിന്റെ പക്കല്‍ നിന്ന് പൊലിസ് കണ്ടെടുത്തു. ശ്രീകണ്ഠപുരം എസ്.ഐ ഇ നാരായണന്റെ നേതൃത്വത്തില്‍ മൂന്ന് ദിവസത്തേക്ക് പ്രതിയെ കസ്റ്റഡിയില്‍ വാങ്ങിയിരുന്നു. ബിജുവിനെ കൂടുതല്‍ ചോദ്യം ചെയ്തപ്പോഴാണ് തൊണ്ടിമുതലിനെക്കുറിച്ച് സൂചന ലഭിച്ചത്.
പത്ത് പവന്‍ ബിജുവിന്റെ വിട്ടില്‍ നിന്നും നാലു പവന്‍ കണ്ണൂര്‍ കാര്‍ഷിക വികസന ബാങ്കില്‍ നിന്നുമാണ് കണ്ടെടുത്തത്. ബാക്കി സ്വര്‍ണം കവര്‍ച്ചയില്‍ കൂട്ട് പ്രതിയായ ഉളിക്കല്‍ പരിക്കളത്തെ പ്രശാന്തിന്റെ കൈവശമാണെന്ന് ബിജു വെളിപ്പെടുത്തി. പ്രശാന്ത് ഒളിവിലാണ്.