കോഴിക്കോട്: വായനവാരാചരണത്തിന്റെ ഭാഗമായി പി.എന്‍ പണിക്കര്‍ ഫൗണ്ടേഷന്റെ നേതൃത്വത്തില്‍ ഇ-സാക്ഷരതാ പ്രചാരണത്തിനായി സംഘടിപ്പിക്കുന്ന ജ്ഞാന്‍ വിജ്ഞാന്‍ യാത്ര ജില്ലയില്‍ പര്യടനം തുടങ്ങി. കോര്‍പറേഷന്‍ പരിസരത്തു നടന്ന ചടങ്ങില്‍ മേയര്‍ തോട്ടത്തില്‍ രവീന്ദ്രന്‍ ഫ്‌ളാഗ് ഓഫ് ചെയ്തു.
ഇതോടനുബന്ധിച്ചു നടന്ന ചടങ്ങില്‍ ജില്ലാ ഇന്‍ഫര്‍മേഷന്‍ ഓഫിസര്‍ ഖാദര്‍ പാലാഴി അധ്യക്ഷനായി. മേയര്‍ തോട്ടത്തില്‍ രവീന്ദ്രനെ എന്‍.ഇ ബാലകൃഷ്ണമാരാര്‍ പൊന്നാടയണിയിച്ച് ആദരിച്ചു.  ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.വി ബാബുരാജ്, കൗണ്‍സിലര്‍മാരായ വി.ടി സത്യന്‍, പി. ഉഷാദേവി ടീച്ചര്‍, പി.എന്‍ പണിക്കര്‍ ഫൗണ്ടേഷന്‍ ജില്ലാ സെക്രട്ടറി അഡ്വ. എം. രാജന്‍, ഡോ. കെ. മൊയ്തു, എ.ടി അബ്ദുല്ലക്കോയ, കെ.എസ് വെങ്കിടാചലം, വിന്‍സെന്റ് സാമുവല്‍, സി. രമേശ്, എം.ടി സേതുമാധവന്‍, ടി.പി വാസു സംസാരിച്ചു.