തിരുവനന്തപുരം: ലോക്‌സഭാ തെരഞ്ഞെടുപ്പ് പത്രികയില്‍ ഉള്‍പ്പെടുത്തുന്നതിന് പൊതുജനാഭിപ്രായം സ്വരൂപിക്കാന്‍ മണ്ഡലങ്ങള്‍തോറും സഞ്ചരിക്കുന്ന ബി.ജെ.പിയുടെ വിജയരഥം യാത്ര തുടങ്ങി.
കേന്ദ്ര സര്‍ക്കാരിന്റെ വികസന നേട്ടങ്ങള്‍ വിവരിക്കുന്ന വാഹനം കേരളത്തിലെ എല്ലാ മണ്ഡലങ്ങളിലൂടെയും സഞ്ചരിക്കും. ഭാരതത്തിന്റെ മനസ് മോദിക്കൊപ്പം എന്ന മുദ്രാവാക്യമുയര്‍ത്തിയാണ് ബി.ജെ.പി തെരഞ്ഞെടുപ്പ് പ്രചാരണത്തിന് തുടക്കം കുറിച്ചിരിക്കുന്നത്.
തെരഞ്ഞെടുപ്പ് പത്രികയില്‍ ഉള്‍പ്പെടുത്തേണ്ട കാര്യങ്ങള്‍ പൊതു ജനങ്ങളില്‍ നിന്നും സമാഹരിക്കുകയാണ് ലക്ഷ്യം വയ്ക്കുന്നത്.