തൃശൂര്‍: സി.എം.പി പാര്‍ട്ടി കോണ്‍ഗ്രസ് ആറ്, എഴ്, എട്ട് തിയതികളില്‍ തൃശൂരില്‍ നടത്തുമെന്ന് ചെയര്‍മാന്‍ എംകെ.കണ്ണന്‍ പത്രസമ്മേളനത്തില്‍ പറഞ്ഞു. ഇതിനു മുന്നോടിയായി ഇന്നു വൈകീട്ട് നാലിന് സമ്മേളന വിളംബരമറിയിച്ച് വൈകീട്ട് നാലിന് പടിഞ്ഞാറെകോട്ടയില്‍ നിന്നും ബൈക്ക് റാലി നടത്തും. ആറിന് വൈകീട്ട നാലിന് ശക്തന്‍ സ്റ്റാന്‍ഡില്‍ നിന്നുള്ള പ്രകടനത്തോടെ പാര്‍ട്ടി കോണ്‍ഗ്രസിന് തുടക്കമാകും.
തുടര്‍ന്ന് വൈകീട്ട് 5.30ന് വിദ്യാര്‍ഥി കോര്‍ണറില്‍ നടക്കുന്ന പൊതുസമ്മേളനം സി.പി.എം പോളിറ്റ് ബ്യൂറോ അംഗം എസ്.രാമചന്ദ്രന്‍പിള്ള ഉദ്ഘാടനം ചെയ്യും. മുന്‍ എംപി പാട്യന്‍ രാജന്‍, സി.എം.പി പോളിറ്റ് ബ്യൂറോ അംഗങ്ങളായ എം.എച്ച്.ഷാരിയര്‍, ജി.സുഗുണന്‍, ടി.സി.എച്ച്.വിജയന്‍ തുടങ്ങിയവര്‍ പങ്കെടുക്കും.
ഏഴിന് ടാഗോര്‍ ഹാളില്‍ നടക്കുന്ന പ്രതിനിധി സമ്മേളനം രാവിലെ പത്തിന് സി.എം.പി ജനറല്‍ സെക്രട്ടറി എം.കെ.കണ്ണന്‍ ഉദ്ഘാടനം ചെയ്യും. വൈകീട്ട് നാലിന് സെമിനാര്‍ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ ഉദ്ഘാടനം ചെയ്യും. സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍, എം.പി വീരേന്ദ്രകുമാര്‍ എം.പി തുടങ്ങിയവര്‍ പങ്കെടുക്കും. എട്ടിന് പുതിയ ഭാരവാഹികളെ തെരഞ്ഞെടുക്കും.