റിയാദ്: സഊദിയിൽ കൊല്ലം സ്വദേശി നിര്യാതനായി. കൊല്ലം ആലുംമൂട് സ്വദേശി ചക്കുവരക്കൽ ഷാജഹാൻ (51) ആണ് റിയാദിൽ നിന്നും 210 കിലോമീറ്റർ അകലെ അൽ ജലാജിൽ എന്ന സ്ഥലത്ത് ഹൃദയാഘാതം മൂലം മരണപ്പെട്ടത്. ആലുംമൂട് ചക്കുവരക്കൽ ഹനീഫ കുഞ്ഞ് ആണ് പിതാവ്. അഞ്ചുവർഷമായി അൽ ജലാജിലിൽ തോട്ടം തൊഴിലാളിയായി ജോലി ചെയ്തുവരികയായിരുന്നു.
      മൃതദേഹം സഊദിയിൽ തന്നെ മറവ് ചെയ്യുന്നതിനാവശ്യമായ നടപടിക്രമങ്ങൾ റിയാദ് മലപ്പുറം ജില്ലാ കെഎംസിസി വെൽഫെയർ വിങ്  ചെയർമാൻ റഫീഖ് മഞ്ചേരിയുടെയും അൽ ജലാജിലിലുള്ള മരണപ്പെട്ട ഷാജഹാന്റെ സുഹൃത്തുക്കളുടെയും നേതൃത്വത്തിൽ നടന്നുവരികയാണ്.