ഉപയോക്താക്കളുടെ സ്വകാര്യ വിവരങ്ങള്‍ സംരക്ഷിക്കുന്നതില്‍ വീഴ്ച്ച പറ്റി മൂല്യം ഇടിഞ്ഞതിന് ശേഷം പുതുപുത്തന്‍ ഫീച്ചറുമായി ഫേസ്ബുക്ക്. സുരക്ഷ ഉറപ്പ് വരുത്തുന്ന രീതിയിലുള്ള പുതിയ ഫീച്ചറുകളാണ് ഇന്നലെ നടന്ന ഫേസ്ബുക്കിന്റെ എഫ്-8 കോണ്‍ഫറന്‍സില്‍ മുന്നോട്ട് വെച്ചിട്ടിള്ളത്. അതില്‍ ഒന്നാണ്

ക്ലിയര്‍ ഹിസ്റ്ററി

ക്ലിയര്‍ ഹിസ്റ്ററിയെന്ന പുതിയ ഫീച്ചറിലൂടെ നിങ്ങളുടെ അക്കൗണ്ടിലെ ബ്രൗസിങ് ഹിസ്റ്ററിയും എല്ലാ ഡാറ്റകളും ഡിലീറ്റ് ചെയ്യാന്‍ സാധിക്കും.

ഡേറ്റിങ് സര്‍വീസ്

ഡേറ്റിങ് സേവനത്തിലൂടെ സുദൃഢമായ ബന്ധങ്ങള്‍ ഉണ്ടാക്കാന്‍ ഒരുങ്ങുകയാണ് ഫേസ്ബുക്ക്. താല്‍പര്യങ്ങള്‍ക്കനുസരിച്ച് മറ്റുള്ളവരുടെ ഗ്രൂപ്പുകളും ഇവന്റുകളും ഡേറ്റിങ് സര്‍വീസിലൂടെ കാണാന്‍ കഴിയും.

ഗ്രൂപ്പ് വീഡിയോ കോളിങ്

വാട്ട്‌സാപ്പ് സ്റ്റാറ്റസ്, വീഡിയോ, വോഴ്‌സ് കോള്‍ എന്നിവയിലൂടെ വാട്ട്‌സാപ്പിന് ലഭിച്ച വന്‍ ജനപ്രീതിക്ക് ശേഷം ഗ്രൂപ്പ് വീഡിയോ കോളിങും ഇമോജി സ്റ്റിക്കേഴ്‌സും ലഭ്യമാവുന്ന പുതിയ ഫീച്ചര്‍ വാട്ട്‌സാപ്പിലൂടെ അടുത്തമാസം മുതല്‍ പുറത്തിറക്കും.