ചെന്നൈ: ഐ.എസ്.എല്ലില്‍ ചെന്നൈയിന്‍ എഫ്.സിക്ക് ജയം. ഇന്നലെ നടന്ന മത്സരത്തില്‍ ബംഗളൂരുവിനെ 2-1 എന്ന സ്‌കോറിനാണ് ചെന്നൈയിന്‍ പരാജയപ്പെടുത്തിയത്. 32-ാം മിനുട്ടില്‍ ജെജെ, 42-ാം മിനുട്ടില്‍ ഗ്രിഗറി നെല്‍സണ്‍ എന്നിവരാണ് ചെന്നൈയിന് വേണ്ടി ഗോള്‍ നേടിയത്.
ആദ്യ പകുതിയില്‍ ചെന്നൈയിന്‍ രണ്ട് ഗോളിന്റെ ലീഡ് നേടിയതോടെ ബംഗളൂരുവിന്റെ താളം നഷ്ടപ്പെട്ടു.
രണ്ടാം പകുതിക്ക് ശേഷം സുനില്‍ ഛേത്രിയുടെ സൂപ്പര്‍ ഹെഡറിലൂടെ ബംഗളൂരു ഒരു ഗോള്‍ മടക്കി. സമനിലക്കായി ബംഗളൂരു കിണഞ്ഞ് ശ്രമിച്ചെങ്കിലും ചെന്നൈയിന്‍ പ്രതിരോധം തകര്‍ക്കാന്‍ ബംഗളൂരുവിനായില്ല.

കഴിഞ്ഞ മത്സരത്തില്‍ ബ്ലാസ്റ്റേഴ്‌സിനോട് ബംഗളൂരു സമനില നേരിട്ടിരുന്നു.
ഇടവേളക്ക് പഴയ പ്രകടനം ആവര്‍ത്തിക്കാന്‍ ബംഗളൂരുവിനായിട്ടില്ല. ചെന്നൈയിന്റെ സീസണിലെ രണ്ടാം ജയമായിരുന്നു ഇന്നലത്തേത്.
ഇന്നത്തെ മത്സരത്തില്‍ പൂനെ സിറ്റി എ.ടി.കെയെ നേരിടും. ആറും ഏഴും സ്ഥാനത്താണ് എ.ടി.കെയും പൂനെ സിറ്റിയും.