വടകര: അരൂര്‍ കല്ലുമ്പുറത്ത് യൂത്ത് ലീഗ് പ്രവര്‍ത്തകനെ വധിക്കാന്‍ ശ്രമം. കടയില്‍ ഇരിക്കുകയായിരുന്ന യൂത്ത് ലീഗ് പ്രവര്‍ത്തകന്‍ കല്ലുമ്പുറത്തെ ഉരുട്ടീന്റവിട സാദിഖി(23)നെയാണ് ഒരു സംഘം കടയിലേക്ക് കയറി മാരകായുധങ്ങളുമായി ആക്രമിച്ചത്.
ഇന്നലെ രാത്രി എട്ടരയോടെയായിരുന്നു സംഭവം. സാരമായി പരുക്കേറ്റ സാദിഖിനെ വടകര ഗവ. ആശുപത്രിയിലെ പ്രഥമ ചികിത്സക്ക് ശേഷം കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു.നാദാപുരം പൊലിസ് സ്ഥലത്തെത്തി. സംഭവത്തിന് പിന്നില്‍ സി.പി.എമ്മാണെന്ന് യു.ഡി.എഫ് ആരോപിച്ചു. മുസ്‌ലിം ലീഗ് നേതാക്കളായ വി.പി കുഞ്ഞമ്മദ്, കെ.ടി അബ്ദുറഹ്മാന്‍, വാര്‍ഡ് മെംബര്‍ കെ.സജീവന്‍ എന്നിവര്‍ ആശുപത്രിയിലെത്തി. ശക്തമായ നടപടികള്‍ സ്വീകരിക്കണമെന്ന് നേതാക്കള്‍ ആവശ്യപ്പെട്ടു.