തൃശൂര്‍: ജില്ലാപ്ലാനിങ് ഓഫിസുകളില്‍ പുതിയ നിയമനം ലഭിച്ച സാങ്കേതികവിഭാഗം ഉദ്യോഗസ്ഥര്‍ക്കും റിസര്‍ച്ച് അസിസ്റ്റന്റുമാര്‍ക്കും റസര്‍ച്ച് ഓഫിസര്‍മാര്‍ക്കും കിലയില്‍ ഏകദിന പരിശീലനം സംഘടിപ്പിച്ചു.ഗ്രാമപഞ്ചായത്ത്-നഗരസഭാ ഭരണസംവിധാനത്തിന്റെ അടിസ്ഥാന തത്വങ്ങളെക്കുറിച്ചായിരുന്നു പരിശീലനം.
പരിശീലനപരിപാടി കില ഡയറക്ടര്‍ പി.പി ബാലന്‍ ഉദ്ഘാടനം ചെയ്തു. കോര്‍ഡിനേറ്റര്‍ ജെ.നെല്‍സണ്‍ സംസാരിച്ചു. കില എക്സ്റ്റഷന്‍ ഫാക്കല്‍റ്റി സി.രാധാകൃഷ്ണന്‍ പരിശീലനത്തിനു നേതൃത്വം നല്‍കി.
പൊതുഭരണം, സദ്ഭരണം, ടോടല്‍ ക്വാളിറ്റി മാനേജ്‌മെന്റ്, പ്രാദേശികഭരണം, സേവനങ്ങള്‍, അയല്‍സഭ രൂപീകരണം തുടങ്ങിയ വിഷയങ്ങളില്‍ വിശദമായി ക്ലാസെടുത്തു.സംസ്ഥാനത്തിന്റെ വിവിധ ജില്ലകളില്‍നിന്നായി 32 പേര്‍ പരിശീലനത്തില്‍ സംബന്ധിച്ചു. 27 ന് അടുത്ത ബാച്ചിനു പരിശീലനം നല്‍കും.