വെള്ളാങ്ങല്ലൂര്‍: മേഖല എസ്.വൈ.എസും, എസ്.കെ.എസ്.എസ്.എഫും സംയുക്തമായി സംഘടിപ്പിക്കുന്ന ബദര്‍ സന്ദേശവും ഇഫ്താര്‍ സംഗമവും ഇന്ന് വൈകിട്ട് 4ന് കോണത്തുകുന്ന് ചിരട്ടക്കുന്ന് റഹ്മത്തുല്‍ ഇസ്‌ലാം മസ്ജിദില്‍ നടക്കും.
എസ്.വൈ.എസ് മേഖല പ്രസിഡണ്ട് കെ.പി സൈനുദ്ദീന്‍ ഫൈസിയുടെ അദ്ധ്യക്ഷതയില്‍ വി.ആര്‍.ജെ.യം പ്രസിഡണ്ട് സി.പി മുഹമ്മദ് ഫൈസി ഉദ്ഘാടനം നിര്‍വഹിക്കും. ബദ്‌രീങ്ങളുടെ പ്രാധാന്യം എന്ന വിഷയത്തില്‍ പുത്തന്‍ചിറ വാഫി കോളജ് പ്രൊഫസര്‍ അന്‍സിഫ് വാഫി മുഖ്യപ്രഭാഷണം നടത്തും, സമസ്ത കേന്ദ്ര മുശാവറ അംഗം ചെറുവാളൂര്‍ ഉസ്താദ് പ്രാര്‍ഥനാ മജ്‌ലിസിന്ന് നേതൃത്വം നല്‍കും, പി.കെ.എം അശറഫ്,സി.ഐ അബ്ദുല്‍ അസീസ് ഹാജി, സി.കെ ശംസുദ്ദീന്‍ ഹാജി, എ.എം ഷാജഹാന്‍ ഹാജി, അബ്ബാസ് ഫൈസി,ശരീഫ് ഫൈസി,അബ്ദുല്ലാഹ് ദാരിമി,മജീദ് ഹാജി,സൈതലവി മുസ്‌ലിയാര്‍ തുടങ്ങിയവര്‍ സംബന്ധിക്കും, ഷാജഹാന്‍ മൗലവി സ്വാഗതവും അബ്ദുസമദ് ദാരിമി നന്ദിയും പറയും.സ്ത്രീകള്‍ക്കും പ്രത്യേക സ്ഥല സൗകര്യം ഏര്‍പ്പെടുത്തിയതായി സംഘാടകര്‍ അറിയിച്ചു.